Úlken aısberg Grenlandııadaǵy Innaarsýıt aýylynyń turǵyndaryn shoshytty
Aısberg eki bólikke bólinip, qazir balyq zaýyty men azyq-túlik dúkeninen birneshe metr jerde eldi mekenniń joǵarǵy jaǵynda tur. Onyń bıiktigi 100 metrden asady, al salmaǵy sarapshylardyń pikirinshe, 11 mıllıon tonnaǵa deıin jetedi.
Alyp muz qabaty alǵash bir apta buryn baıqalǵan. Sodan keıin aǵys aǵyp ketken. Biraq osy aptanyń basynda qaıta oraldy jáne qazirgi kezde áreń qozǵalyp tur. Jergilikti bılik tótenshe jaǵdaı jarııalap, aýyldyń bir bóligin evakýatsııalady jáne turǵyndardan asa saq bolýdy surap otyr. Aısberg qulasa nemese ydyraı bastasa, aýylǵa qaýip tónýi múmkin.
Bul – atalǵan aımaqtaǵy birinshi jaǵdaı emes. 2018 jyly aýylǵa taǵy bir muz alyby jaqyndaǵan. Osyǵan baılanysty turǵyndar tolyq evakýatsııalanǵan. Biraq aısberg qaýip tóndirmeı, jaı ǵana qalqyp aǵyp ketken.
Eske sala keteıik, buǵan deıin álemdegi eń úlken aısberg joıylyp ketýi múmkin ekenin habarlaǵan edik.