Ekinshi AES óńir damýyna jańa serpin beredi — Atom energııasy jónindegi agenttik
ASTANA. KAZINFORM — Úlken aýylynda Qazaqstanda ekinshi AES salý jobasy boıynsha jarııa tyńdaý ótti. Bul týraly Atom energııasy jónindegi agenttiginiń baspasóz qyzmeti habarlady.
Búgin Úlken aýylynda ekinshi atom elektr stantsııasynyń qurylys aýdanyn talqylaýǵa arnalǵan jarııa tyńdaý ótti. Іs-sharaǵa aýyl turǵyndary, qoǵam qaıratkerleri, máslıhat, Atom energııasy jónindegi agenttigi, «Qazaqstandyq atom elektr stantsııalary» JShS, «ıAdrolyq fızıka ınstıtýty» RMK-nyń ókilderi qatysty.
Atom energııasy jónindegi agenttigi, «Qazaqstandyq atom elektr stantsııalary» JShS-men birlesip negizgi júkteme qýatyna energııa qajettiligin, geologııalyq faktorlarǵa, elektr jelileriniń ınfraqurylymyna jáne eldiń ósip kele jatqan ekonomıkasyn turaqty elektr energııasymen qamtamasyz etýge qajettilikti eskere otyryp, ekinshi atom elektr stantsııasynyń yqtımal ornalasý oryndaryna taldaý júrgizildi.
Bul taldaý Qazaqstan Respýblıkasynyń atom salasyn damytý máseleleri jónindegi vedomstvoaralyq komıssııanyń otyrysynda qaraldy, onyń qorytyndysy boıynsha ekinshi AES salý úshin aýdan retinde Almaty oblysynyń Jambyl aýdanyn aıqyndaý usynyldy.
Qatysýshylarǵa ekinshi AES salý aýdanynyń tańdalýy boıynsha júrgizilgen zertteýler, onyń negizgi tehnıkalyq máseleleri, ıadrolyq reaktordyń qaýipsiz jumysyn qamtamasyz etý sharalary, sondaı-aq kútiletin áleýmettik-ekonomıkalyq áserler týraly aqparat ashyq jáne qoljetimdi formatta usynyldy.
Mamandar turǵyndardyń suraqtaryna jaýap berip, zamanaýı reaktorlyq tehnologııalar halyqaralyq standarttarǵa sáıkes keletinin jáne kóp deńgeıli qorǵanys júıelerimen jabdyqtalǵanyn atap ótti.
— Qazaqstanda 3+ býyn reaktorlary paıdalanylady, onda qaýipsizdik kóp deńgeıli rezervteý, passıvti jáne belsendi qorǵaý júıelerin biriktirý qaǵıdaty boıynsha iske asyrylady. Qazirgi zamanǵy reaktorlardy álemdik qoǵamdastyq ekologııalyq jáne qaýipsiz dep tanydy, — dep atap ótti Atom energııasy jónindegi agenttigi ıAdrolyq energetıka departamentiniń dırektory Gúlmıra Mursalova.
— Ekinshi AES qurylysy jergilikti óndiristi eleýli damytýdy qamtamasyz etip, óńirdegi shaǵyn jáne orta bıznestiń damýy úshin jaǵdaı jasaıdy. Dúnıejúzilik tájirıbe kórsetkendeı, AES-tegi bir jumys orny ekonomıkanyń aralas salalarynda 10 jańa jumys ornyn qurýǵa yqpal etedi, — dep atap ótti Atom energııasy jónindegi agenttiginiń Qazaqstandyq qamtý departamentiniń dırektory Danııar Janseıtov.
Tómen kómirtekti energııaǵa jahandyq aýysý jaǵdaıynda atom generatsııasy senimdi jáne ekologııalyq taza energııa kózi retinde qarastyrylady.
Jergilikti turǵyndar jobaǵa qoldaý bildirip, onyń jańa jumys oryndaryn qurý, ınfraqurylymdy damytý, óńirde jáne jalpy el boıynsha energııa tapshylyǵyn azaıtý úshin mańyzdylyǵyn atap ótti. Tyńdaý qorytyndysy Almaty oblysy máslıhatynyń qaraýyna jiberiledi.
— Biz ekinshi AES qurylysyn qoldaımyz, óıtkeni ol turǵyndarymyzǵa jańa múmkindikter ashyp, jumys oryndaryn quryp, energııamen qamtamasyz etý máselelerin sheshýge kómektesedi.
Joba ınfraqurylymdy damýǵa úles qosyp, bolashaq urpaqqa turaqtylyq qamtamasyz etedi, — dep atap ótti Baǵdat Alıev Jambyl aýdandyq Qoǵamdyq keńes tóraǵasy.
Qazaqstannyń atom energetıkasyn damytý strategııalyq mańyzdy baǵyt retinde qarastyrylady. Qazirgi ýaqytta josparlanǵan «Balqash» birinshi atom elektr stantsııasynyń aýdanynda ınjenerlik-izdestirý jumystary júrgizilýde, al ekinshi stantsııa jobasyn talqylaý eldiń energetıkalyq qaýipsizdigin nyǵaıtýǵa baǵyttalǵan ulttyq energetıkalyq strategııany iske asyrýdaǵy dáıekti qadam bolyp tabylady.
Aıta ketelik eldegi AES-terge qajet strategııalyq otyn qory qurylatyny týraly jazǵan edik.