Úlken androndyq kollaıder 48 saǵattan keıin iske qosylady
ASTANA. Qarashanyń 20-sy. QazAqparat - Eki táýlikten keıin Úlken androndyq kollaıderdiń sheńberi boıynsha proton shoǵyrlary aıdala bastaıdy,
dep habarlady «RIA «Novostı» agenttigi ıAdrolyq zertteýlerdiń eýropalyq uıymyna silteme jasap.
«Sársenbi kúni Úlken androndyq kollaıdar qyzmet kórsetýshi topqa tabys etildi. Birer kúnnen keıin qondyrǵyny tekserý sharalary aıaqtalyp, jumys toby údetkishti iske qosa alady», delingen uıymnyń habarlamasynda.
Jenevanyń mańynda, shveıtsarııa-frantsýz shekarasynda salynǵan kollaıder proton shoqtaryn qarsy kúshpen aıdaıtyn kúrdeli keshen. 100 metr tereńdikke salynǵan 27 shaqyrymdyq sheńberden turatyn qurylysta proton shoqtaryn aıdaý úderisin 53 joǵary magnıt ótkizgishi basqarady. Ótken jyldyń qyrkúıek aıynda alǵash iske qosylǵan kezde, kollaıderdiń magnıt júıesinen aqaýlar tabylǵan. Sonyń saldarynan jóndeý jumystaryn júrgizý úshin kollaıderdiń jumysy toqtatylǵan bolatyn.
