Úlken Almaty shyńyna shyqqan eki adam adasyp ketti
ALMATY. QazAqparat – Almaty qutqarý qyzmeti Úlken Almaty shyńynda adasyp ketken eki adamdy qutqardy, dep habarlaıdy QazAqparat tilshisi.
Keshe tańǵy 6:30-da qalalyq qutqarý qyzmetine shuǵyl qońyraý tústi.
Áıel adam habarlasyp, eki tanysynyń taýda serýendep júrip adasyp ketkenin aıtqan.
«Sońǵy ret olar túngi 03.00 shamasynda tanys áıelge habarlasyp, adasyp, jol taba almaı jatqanyn aıtqan. Oqıǵa ornyna qutqarý ekıpajy shyqty. Dittegen jerge jetken soń qutqarýshylar ekige bólinip, izdeýge kiristi. Kúndiz 12:25-te Aıýsaı shatqalynann adasyp júrgen eki er adam tabyldy. 29 jáne 32 jastaǵy er adamdar Úlken Almaty shyńyna órmelep shyǵyp, qaıtarda qarańǵy túsip ketken soń júrgen jolynan jańylyp qalǵan. Olarǵa medıtsınalyq kómek qajet bolǵan joq. Ekeýin de qutqarýshylar qaýipsiz jerge jetkizdi», - dedi qutqarý qyzmetinen.
