Úlken Almaty ózeniniń sýy qyzyl túske boıaldy
ALMATY. QazAqparat – Turǵyndar Úlken Almaty ózeniniń qyzyl túske boıalǵanyn kórdi, dep habarlaıdy QazAqparat tilshisi.
Qanqyzyl túske boıalǵan Úlken Almaty ózenin vıdeosy áleýmettik jelide tarady.
«Bul Úlken Almaty ózeni. Sý qyzyl. Men osy ózenniń boıynda turamyn. On jyl ishinde mundaıdy birinshi ret kórýim. Shamasy, hımııalyq zattar tastalǵan. Bul ekologııalyq apat», - dep jazdy beınejazba avtory.
Qalalyq ákimdiktiń habarlaýynsha, dál qazirgi ýaqytta Úlken Almaty ózeniniń boıynda mamandar júr. Olar Raıymbek dańǵylynyń aımaǵynda sýdyń túsi sál qyzǵylt ekenin málim etti.
Tekserý jumystary áli de jalǵasyp jatyr.
