Úlken Almaty ózeninde sý deńgeıi kóterildi
Almaty qalalyq TJD málimetinshe, kúndizgi aýa temperatýrasynyń joǵarylaýyna baılanysty Almaty qalasynyń taýly jerlerinde qardyń qarqyndy erýi baıqalady. Osyǵan baılanysty ózenderdegi sý deńgeıi kóteriledi.
«Úlken Almaty ózeniniń 6 negizgi salasy bar, sýdyń ortasha shyǵyny – 4-6 m3/s. Aldaǵy kúnderi Almatyda ystyq aýa raıy saqtalady. Úlken Almaty ózenindegi sý deńgeıiniń kóterilýi keshki ýaqyttarda (saǵat 18.00 - 00.00) bolady. Osyǵan baılanysty, Almaty TJD keshki ýaqytta Úlken Almaty ózeniniń arnasyna jaqyn jerde bolmaýǵa shaqyrady», - delingen TJD habarlamasynda.
Sondaı-aq TJD Úlken Almaty ózenindegi sý deńgeıiniń kóterilýi morenalyq kólderdiń erýine baılanysty emes ekenin habarlady
«Qazirgi ýaqytta kólder qysqy rejımnen shyǵyp, muzben jabylǵan. Osyǵan baılanysty qala halqy men ınfraqurylymyna qaýip tónip turǵan joq. Jaǵdaı Almaty qalasy TJD jáne «Qazseldenqorǵaý» departamentiniń turaqty baqylaýynda», - dep habarlady vedomstvodan.