Úlken Almaty ózeninde sel júrdi
ALMATY. QazAqparat - Úlken Almaty ózeninde qysqa ýaqytqa sel júrdi, dep habarlady qala TJD baspasóz qyzmeti.
«Qazseldenqorǵaý» memlekettik mekemesiniń málimetteri boıynsha, 2 shildede saǵat 17:23-te Bostandyq aýdanyndaǵy Qumbel ózeniniń saǵasynda qysqa ýaqytqa sel júrdi, onyń jıiligi sekýndyna 6 tekshemetrge jetti. Úlken Almaty ózeniniń ańǵaryn sel shaıyp jibergen joq, sýdyń deńgeıi kóterilip, laılandy.
Osyǵan baılanysty Almaty TJD Almaarasan plotınasynan joǵaryda ornalasqan halyqty jáne barlyq nysandardy habardar etý jóninde sheshim qabyldady. Almaty ІІD-men ózara is-qımyl josparyna sáıkes jergilikti polıtsııa qyzmetiniń patrýldik ekıpajdary iske qosyldy, sonymen qatar Almaarasan shatqaly baǵytyna demalýshylardyń barýyn ýaqytsha shekteý uıymdastyryldy.
Halyqty habardar etýge Almaty qalasynyń TJD-dan - 15 adam, «Qazseldenqorǵaý» mekemesinen- 2 adam,Almaty qalasynyń «Qutqarý qyzmeti» kásipornynan 10 adamnan quralǵan 2 ekıpaj, ІІD-nen 12 ekıpaj ben jeke quramnyń 24 adamy jumyldyryldy, tehnıka ázir tur.
Qazirgi kezde Úlken Almaty ózenindegi sýdyń deńgeıi turaqtaldy.
Qalanyń TJ departamenti Almaty oblysynyń ózenderinde taıaýdaǵy táýlikterde sý tasqyny qalyptasýymen baılanysty turǵyndar men qonaqtardyń taýly jerlerge barýdan bas tartýlaryn suraıdy.
