Úlken Almaty ózeninde kóligin jýǵan júrgizýshige aıyppul salyndy
ALMATY. QazAqparat - Úlken Almaty ózeninde jol talǵamaıtyn kóligin jýǵan júrgizýshige aıyppul salyndy, dep habarlaıdy QazAqparat tilshisi.
Almaty qalyq Polıtsııasy departamentiniń habarlaýynsha, Úlken Almaty ózenine qaraı bet alǵan «Range Rover» kóliginiń vıdeosy áleýmettik jelide paıda boldy.
«Kólik júrgizýshisi dereý anyqtalyp, polıtsııa bólimshesine jetkizildi. Ol 1985 jyly týlǵan B. esimdi azamat. Bul oqıǵa 30 shilde kúni bolǵan. Ol óziniń kóliginiń dóńgelekterin jýý úshin ózenge barǵanyn túsindirdi. Kinásin tolyq moıyndady. QR QK 434-2-babyna sáıkes quqyq buzýshy qoǵamdyq oryndy lastaǵany úshin ákimshilik jaýapqa tartylyp, 5 AEK (13 myń 890 teńge) kóleminde aıyppul salyndy», - dedi Almaty qalasynyń jergilikti polıtsııa basqarmasynyń bastyǵy Manap Sattarov.
