Úlken Almaty ózeninde anyqtalmaǵan jaǵdaıda er adam sýǵa batyp ketti - QR TJM
ASTANA. 13 shilde. QazAqparat - Beısenbide Almaty qalasyndaǵy Úlken Almaty ózeninde belgisiz jaǵdaıda esimi anyqtalmaǵan 38-43 jas aralyǵyndaǵy er adam sýǵa batyp ketti, dep habarlaıdy QR TJM-nen.
Onyń múrdesi sýdan saǵat 14:13-te QR TJM Almaty qalalyq TJD-niń sý-qutqarý qyzmetindegi 5 adam men 1 tehnıkasynyń kúshimen shyǵaryldy.
Sýdaǵy qaıǵyly oqıǵalar Shyǵys Qazaqstan oblysynda da boldy, Ertis ózeninde sýǵa shomylý kezinde 29 jasar er adam batyp ketti, al Soltústik Qazaqstan oblysyndaǵy Mamlıýtka qalasyndaǵy jasandy qazanshuńqyrda 37 jastaǵy áıel sýǵa batyp ketti.
Budan basqa, Soltústik Qazaqstan oblysyndaǵy Logovoe kólinde beısenbi kúni sýdan 10 shilde kúni batyp ketken 39 jastaǵy er adamnyń múrdesi shyǵaryldy, SQO-ǵy Aýyrtaý aýylyndaǵy qazanshuńqyrda 11 shilde kúni sýǵa batyp ketken 55 jastaǵy er adamnyń múrdesi shyǵaryldy.
