Úlken Almaty ózenin veıkbordpen júzip ótken adam kim
Áleýmettik jelide Úlken Almaty ózeninde veıkbordpen júzip ótken adamnyń vıdeosy paıda boldy.
Ózendi veıkbordpen júzip ótken jigittiń esimi - Almaz Smaıylqulov. Ol 31 jasta.
Bishkekte týǵan. Reseıde biraz jyl turdy.
Osydan úsh jyl buryn Almatyǵa qonys aýdarǵan.
«Men kásibı sportshymyn. Qazir Qazaqstanda veıkbordıngti damytýǵa atsalysyp júrmin. Almatyda GAGARIN Wake Park-ta balalar mektebi bar. Sol jerde balalardy jattyqtyramyn. Ideıanyń maqsaty - osy sport túrin tanymal etý «, - deıdi sportshy.
Sonymen qatar, ol Úlken Almaty ózeniniń boıymen qalaı júzip ótkenin aıtyp berdi.
«Rolıkti túsirý úshin aldymen qala ákimdiginen resmı túrde ruqsat suradyq. Adam ómirde óz qorqynyshyn jeńe bilýi kerek. Biraq veıkbord - qaýipsiz sport. Trıýkterdi áýesqoılar qaıtalamaǵany durys», - deıdi ol.
