Úlken Almaty men Tuıyq sý shatqalynda baqylaý-qutqarý pýnkti ashylady

ALMATY. QazAqparat – Almaty qalasynyń ákimi Baqytjan Saǵyntaev jelidegi paraqshasynda týrısterdiń taýda qaýipsizdigi men jaıly bolýyn qamtamasyz etetin sharalar týraly jazdy, dep habarlaıdy QazAqparat.

Almaty ákimi modýldik qurylym sııaqty úıshikterdiń qalaı qurastyrylyp jatqanyn tekserdi.

«Qyzǵylt sary tústi modýlderdiń ishi jylytý peshi, apattyq jaǵdaıda qajet jınaqpen jabdyqtalǵan. Іshinde alǵashqy kómek kórsetý jınaǵy, marshrýt kartasy, mobıldi qurylǵyny qýattaý stansasy, jyly kórpe men azyq-túlik jıyntyǵy bar. Shatyrda SOS spýtnıktik sıgnalyn qutqarýshylar pýltine jiberetin dabyl túımeleri bar radıorelelik dińgekter ornatylǵan», - dep jazdy ákim.

Taýdaǵy qaýipsizdik sharalary sheńberinde Úlken Almaty men Tuıyq sý shatqaldarynda baqylaý-qutqarý pýnkti ashylady. Onda tikushaq alańyn ashý da josparda bar. «Shymbulaqta» qysqy maýsymǵa daıyndyq júrgizilýde – shańǵy trassalary men qonaq úı jańartylyp jatyr. Sondaı-aq vızıt-ortalyq ashylady.

Almaty ákimi Medeu Park Hotel-di qurý, jańartylǵan Qazaq Auyl ekokesheni men alpınısterdiń súıikti mekeni – Tuıyq sý shatqalyndaǵy glempıngti qurý jobalarymen tanysty. «Medeýdiń» tómengi bóliginde arqany bar saıabaq pen densaýlyq joly salynýda.