Úlken Almaty kóline ekoavtobýstar qatynaýy múmkin
ALMATY. QazAqparat – Almaty ákimdigi Josaly (Úlken Almaty) kóline qatynaıtyn ekoavtobýs shyǵarýdy qarastyrýda, dep habarlaıdy QazAqparat.
«Myńdaǵan týrısterdi, qala turǵyndary men onyń qonaqtaryn Josaly (Úlken Almaty) kóline aparatyn joldyń jaǵdaıyn tekserdim. Kóldiń ekojúıesine júktemeni azaıtý úshin ekoavtobýstardy iske qosý jáne jeke avtokólikterdiń júrýine shekteý qoıý múmkindigin qarastyrmaqpyz. Osy arqyly Josaly kóline aparar joldyń qaýipsiz, jaıly jáne ekologııaǵa zııan keltirmeýin kózdeımiz», dep jazdy qala ákimi Baqytjan Saǵyntaev Instagram-daǵy paraqshasynda.
