Úlken Almaty kólinde syrǵanaý qaýipti - TJD

ALMATY. QazAqparat  - Almaty qalalyq tótenshe jaǵdaılar departamenti Úlken Almaty kólinde konkımen syrǵanaý qaýipti ekenin eskertedi, dep habarlaıdy QazAqparat tilshisi.

«Qatyp turǵan sý qoımalarynyń ústimen júrý ərqashan qaýipti. Sebebi, muz qashan jarylyp ketetinin eshkim boljaı almaıdy. Qazir bul kólde muzdyń qalyńdyǵy - 10 sm ǵana, al kóldiń tereńdigi - 20 metr»,- dedi departamentten.

Qaýipsizdik  normalaryna səıkes, adamdar konkımen syrǵanaý úshin muz qalyńdyǵy kem degende 12-25 sm bolýy shart.

Sonymen qatar, qutqarýshylardyń aıtýynsha, ÚAK  sý aıdynynda sý aǵatyn shlıýzder bolǵandyqtan, aǵyndy tustarynda muz óte əlsiz bolýy múmkin.

«Qazgıdromet» RMK jaqyn arada aýa temperatýrasy joǵarylaıtynyn boljap otyr. Osyǵan baılanysty kól betine shyǵý úlken qaýip týǵyzyp otyr. Sondyqtan qala turǵyndary  men qonaqtaryna demalys kúnderi Úlken Almaty kóline serýenge shyqpaýǵa keńes beremiz»,- dedi TJD.

Aıta ketý kerek, Qazaqstanda jyl basynan beri sý qoımalarynda  186 adam sýǵa ketse, 367 adam muz astyna túsip ketken.