Úlken Almaty kólinde syrǵanap, tanymal bolǵan Ksenııa Pankratova Qapshaǵaıda vıdeo túsirdi
ALMATY. QazAqparat – Úlken Almaty kólinde mánerlep syrǵanap, tanymal bolǵan Ksenııa Pankratova Qapshaǵaıdyń muz aıdynynda syrǵanap, vıdeo túsirdi, dep habarlaıdy QazAqparat tilshisi.
Bul vıdeo onyń Іnstagram jelisindegi paraqshasynda jarııalandy.
«Muz móldir bolady dep úmittendik. Alaıda ondaı bolmasa da kópshilikti dúr silkindiretin beınetúsirilim boldy dep oılaımyn! Sizderdiń ystyq yqylastaryńyz kerek, áıtpese tońyp qaldyq», - dedi ol.
Aıta ketý kerek, 2018 jyly jeltoqsanda sportshy, bapker Ksenııa Pankratova Úlken Almaty kólinde mánerlep syrǵanap, ol kópshiliktiń kóńilinen shyqqan edi.
Bul rolıkti az kúnde mıllıon adam qarap úlgerdi.
23 jastaǵy sport sheberine kandıdat, fıgýrıst Ksenııa Pankratova sporttaǵy mansabyn aıaqtaǵanyn aıtty. Qazir ol bapkerlikpen aınalysady eken.
