Úlken Almaty kanalyna jeńil kólik qulap ketti
ALMATY. QazAqparat – Almatyda jolaýshy mingen jeńil avtokólik Úlken Almaty kanalyna qulap ketken, dep habarlaıdy QazAqparat tilshisi.
Jol apaty 26 qarashada saǵat 22:40-ta bolǵan.
«Honda Odyssey kóliginiń júrgizýshisi Jańa jol kóshesimen batys baǵytta kele jatyp, qarama qarsy baǵytqa shyǵyp ketken. Jolda «Renault Logan» kóligine soǵylǵan. Soqqydan «Renault Logan» Úlken Almaty kanalyna túsip ketken. Jol apatynan jolaýshy men júrgizýshi japa shekti. Olar medıtsınalyq mekemege jetkizildi», - dedi Almaty qalalyq PD basqarma basshysy Oljas Sháripov.
Qazir bul oqıǵanyń mán jaıyn Alataý aýdandyq PB anyqtap jatyr.
Foto: instagram/kris_p_almaty