Úlken Almaty aınalma jolynyń qurylysy kesheýildeýi múmkin
ASTANA. QazAqparat - «QazAvtoJol» Úlken Almaty aınalma joly qurylysynyń tejelýi múmkindigin aıtty, dep habarlaıdy QazAqparat.
«Budan buryn Úkimet Úlken Almaty aınalma joly jobasyn «QazAvtoJol» UK» AQ jeke qarjysy esebinen júzege asyratyndyǵy týraly sheshim qabyldady. Atalǵan jobany iske asyrýdyń problemasyna toqtalatyn bolsaq, búginde jer telimderiniń 30 paıyzǵa jýyǵy áli de rásimdelmegen. Almaty oblysynyń ákimdigi osy jer ýchaskelerin satyp alǵan bolatyn, keıinnen prokýratýra jer telimderin satyp alý boıynsha aktilerdiń bir bóligine narazylyq bildirdi. Endi osy jer úshin aqsha alǵan menshik ıeleri ony bıýdjetke qaıtarýy tıis bolyp tur. Osydan keıin qaıta eseptep, qaıta satyp alý kerek. ıAǵnı bul sharalar birshama ýaqytqa sozylýy múmkin. Osy oraıda komıssııa múshelerinen bul máseleni baqylaýǵa alyp, kómek jasaýlaryn suraımyn»,-dedi «QazAvtoJol» UK» AQ basqarma tóraǵasynyń orynbasary Temirhan Meńdiǵalıev Parlament Májilisinde memleket qarjysyn maqsatty paıdalanýdy baqylaý boıynsha «Nur Otan» partııasy fraktsııasy janyndaǵy komıssııanyń otyrysynda.
Aıta keteıik, Úlken Almaty aınalma joly 56 shaqyrymdy qurap otyr. Joba aıasynda 6 jolaqty avtomagıstraldiń qurylysy eskerilgen. Osy oraıda bul joba arqyly Almatynyń kóliktik júıesine túsip otyrǵan salmaq aıtarlyqtaı tómendemek.
