«Úlken Almaty» aınalma joly paıdalanýǵa qashan beriledi
ASTANA. QazAqparat - QR Investıtsııalar jáne damý mınıstri Jeńis Qasymbek Úlken Almaty aınalma avtomobıl jolynyń (ÚAAAJ) qurylysy qashan aıaqtalatynyn aıtty, dep habarlaıdy «QazAqparat» HAA tilshisi.
«Búgingi tańda konsortsıým daıyndyq jumystaryna kirisip ketti. Bıyl mamyr aıynda qurylys-montajdaý jumystaryn bastaý kózdelgen. 2021 jyly qurylys aıaqtalyp, joldy aqyly negizde paıdalaný bastalady», - dedi mınıstr búgingi Úkimet otyrysynda.
Mınıstr óz baıandamasynda «Alsım Alarko - Makıol - SK - Koreıan Ekspress Veı» konsortsıýmymen Qazaqstanda birinshi iri kontsessııalyq jobasyn iske asyrýdy bastaý kelisimshartyna osy jyldyń 7 aqpanynda qol qoıylǵanyn eske saldy.
Aıta ketsek, jobanyń jalpy quny 512 mlrd teńge bolyp otyr.
