Úlken Almaty aınalma joly bıyl paıdalanýǵa beriledi
QONAEV. QazAqparat - QR Sybaılas jemqorlyqqa qarsy is-qımyl agenttiginiń preventsııa qyzmetiniń basshysy Saıan Ahmetjanov Úlken Almaty aınalma joly (BAKAD) qurylysynyń barysymen tanysty, - dep habarlaıdy QazAqparat tilshisi.
Úlken Almaty aınalma avtojolynyń quny 150 mlrd teńge. Bul memlekettik-jekeshelik áriptestik aıasynda qolǵa alynǵan Ortalyq Azııadaǵy eń iri ınfraqurylymdyq jol qurylys jobasy.
«Qazirgi ýaqytta búkil avtomobıl joly boıynsha jumystar aıaqtaldy. Bul jobany iske asyrý kólik qyzmeti sapasyn arttyrady. Jol qozǵalysy qaýipsizdigin qamtamasyz etedi, avtomobılderdiń qorshaǵan ortaǵa teris áserin azaıtady, Almaty qalasyn erkin aralaýǵa múmkindik beredi», – dedi avtomobıl joldary komıteti tóraǵasynyń orynbasary Amangeldi Bekov.
Onyń aıtýynsha, jol paıdalanýǵa berilgen kezde Almatyda kólik aǵyny táýligine 40 myńǵa qysqarady. Tıisinshe, Qytaı men Eýropa arasyndaǵy júk tasymalynyń kólemi artady.
Merdiger kompanııa ókilderiniń aıtýynsha, «BAKAD» jobasy belgili bir problemalarǵa baılanysty birneshe ret ózgeriske ushyraǵan. Mysaly, úlken aınalma jol keıbir eldi mekenderdi bólip, jolaýshylardyń qozǵalysyn qıyndatty. Osy másele boıynsha úsh jaıaý júrginshiler ótkeli, 1 jerasty ótkeli salyndy. ıAǵnı, qurylys kezinde halyqtyń qajettiligine nazar aýdaryldy.
Esterińizge sala keteıik, 2009 jylǵy tamyzda álemdik qarjy daǵdarysyna baılanysty jol qurylysy toqtatylǵan bolatyn. 2018 jyly qurylys qaıta bastaldy.
Jobasynyń negizgi kredıtorlary Eýropalyq Qaıta Qurý jáne damý banki, Eýropalyq damý banki jáne Islam damý banki bolyp tabylady.
