Úlken Almaty aınalma joly 2023 jyldyń ekinshi toqsanynda paıdalanýǵa beriledi
ALMATY. QazAqparat - Úlken Almaty aınalma avtomobıl joly osy jyldyń ekinshi toqsanynda paıdalanýǵa beriledi. Bul týraly óńirlik kommýnıkatsııalar qyzmetiniń alańynda QR Indýstrııa jáne ınfraqurylymdyq damý mınıstrliginiń avtomobıl joldary komıteti tóraǵasynyń orynbasary Jambyl Baqtııar aıtty, dep habarlaıdy QazAqparat tilshisi.
Aıtýynsha, uzyndyǵy 66 shaqyrymǵa sozylǵan úsh jolaqty I-A sanatty jol, qarama-qarsy baǵytta da solaı qarastyrylǵan. Jalpy sany alty jolaq bolatyn aqyly avtomobıl trassasynda saǵatyna 120 shaqyrymmen júrýge ruqsat etilgen.
«ÚAAAJ-ynda aqy alýdyń ashyq júıesi qarastyrylǵan. ıAǵnı, bul júıe aınalma jolda shyǵar kezde jáne kireberisinde shlagbaým qoıýdy qajet etpeıdi» , - dedi ol.
Sondaı-aq ol jobanyń qolaılyǵy men artyqshylyqtaryna da toqtaldy.
«Úlken Almaty aınalma avtomobıl joly negizgi magıstraldardy bosatý jáne jol jelisiniń ótkizý qabiletin jaqsartý arqyly Almaty qalasyndaǵy kólik aǵynyn qysqartýǵa múmkindik beredi. Bul óz kezeginde keptelisterdi azaıtyp, jergilikti turǵyndar men qala qonaqtary úshin kólik qoljetimdiligin jaqsartady»,- dedi spıker.
«BAKAD Investıtsıı ı Operatsıı» JShS-niń paıdalaný jáne tehnıkalyq qyzmet kórsetý bóliminiń basshysy Nurlanbek Ómirbaev ÚAAAJ qurylysy barysynda joǵary sapaly jabynǵa qol jetkizý úshin asfaltobeton tóseýdiń zamanaýı tehnologııalary men ádisteri qoldanylatynyn atap ótti.
«Jol qurylysyna joǵarǵy sapaly materıaldar men júk kólikteriniń salmaǵyn esh qıyndyqsyz kótere alatyn asfalt jabyndylary qoldanyldy. Bul avtomobılderdiń tozýyn azaıtýǵa jáne olardy ońaı basqarýyna kómektesedi», - dedi Nurlanbek Ómirbaev.
Úlken Almaty aınalma avtomobıl joly 2023 jyldyń ekinshi toqsanynda paıdalanýǵa beriledi.
