Úlken Almaty aınalma tas joly jobasyna qatysatyn konsortsıým 26 qarashada belgili bolady
ASTANA. QazAqparat - Úlken Almaty aınalma tas joly jobasyna qatysatyn konsortsıým 26 qarashada belgili bolady. Bul týraly búgin QR Úkimetiniń selektorlyq rejimdegi otyrysy barysynda QR Ulttyq ekonomıka mınıstri Erbolat Dosaev málim etti.
«Memlekettik-jekeshelik áriptestiktiń negizgi nysandarynyń biri retinde kontsessııanyń tartymdylyǵyn arttyrý jáne ony keńinen qoldaný úshin 2013-2015 jyldary Eýropalyq qaıta qurý jáne damý banki jáne ózge de halyqaralyq qarjy uıymdarymen birlesip zańnamaǵa ózgerister engizildi», - dedi ol.
Onyń atap ótýinshe, Zańnamaǵa «tutyný kepili» jáne «qoljetimdilik úshin tólem» tetikteri engizilgen. Kontsessııalyq jobalar boıynsha kredıtorlar, kontsedentter jáne kontsessıonerler arasynda «tikeleı kelisim» engizý, valıýta táýekelin óteý múmkindigi en halyqaralyq arbıtraj engizý erekshe mánge ıe.
«Bul jańashyldyqtar Úlken Almaty aınalma avtomobıl joly boıynsha baıqaý jarııalaýǵa múmkindik berdi. Atalǵan joba boıynsha 4 konsortsıýmnyń qatysýymen ekinshi kezeń konvertterin ashý aǵymdaǵy jyldyń 26 qarashasyna josparlanǵan», - dedi mınıstr.
