Úlken Almaty shatqalynda mototsıkl tizgindegen jasóspirim shuńqyrǵa qulap ketti

ALMATY. KAZINFORM – Almatyda Tótenshe jaǵdaılar mınıstrliginiń qyzmetkerleri shuńqyrǵa qulap ketken jasóspirimdi qutqardy. 

Tótenshe jaǵdaılar mınıstrliginiń qutqarýshylary Úlken Almaty shatqalynda tekseris jumystaryn júrgizdi. Reıd barysynda olar 10 metrlik shuńqyrǵa qulap ketken jasóspirimge tez arada alǵashqy medıtsınalyq kómek kórsetti. 

Zardap shekken jetkinshek jedel járdem brıgadasyna tapsyryldy. 

Tótenshe jaǵdaılar mınıstrligi azamattardy taýda júrgende saqtyq sharalaryn saqtaýǵa jáne qorǵanys quraldaryn paıdalanýǵa shaqyrady.

Eske sala keteıik, buǵan deıin aqtóbelik qutqarýshylarǵa jańa tehnıka men qyzmettik páter berilgenin habarlaǵan edik.