Úlken Almaty ózeniniń jaǵalaýy ýaqytsha jabylady
ALMATY. KAZINFORM – Úlken Almaty ózeniniń jaǵalaýynda jaıaý júrginshiler qozǵalysyna ýaqytsha shekteý engiziledi.
Almaty ákimdiginiń málimetinshe, qazir Úlken Almaty ózeni arnasyn qaıta jańǵyrtý jáne oǵan irgeles aýmaqty kóriktendirý jumystary júrip jatyr. Sondyqtan qurylys jumystaryna baılanysty jaǵalaýdyń keıbir aýmaǵynda jaıaý júrginshiler qozǵalysy kezeń-kezeńimen ýaqytsha shekteledi.
Alǵashqy kezeńde jumystar №1 bógetten ál-Farabı dańǵylyna deıingi shyǵys jaǵalaý bóliginde júrgiziledi. Keıin shekteý jaǵalaýdyń Abaı dańǵylyna deıingi kelesi aýmaqtarynda kezeń-kezeńimen engiziledi.
Jumys barysynda sýarý júıesi men júrginshi joly qalpyna keltirilip, jıektastardyń bir bóligi aýystyrylady. Sondaı-aq butalar men kógal qaıta egilip, aǵashtar sanıtarlyq maqsatta kesiledi.
- Qala turǵyndary men qonaqtarynan ýaqytsha shekteýdi eskerip, jol belgileriniń talabyn saqtaýdy jáne baǵytyn aldyn ala josparlaýdy suraımyz, - dep habarlady ákimdikten.
Eske salaıyq, buǵan deıin merdiger Úlken Almaty ózenin jańǵyrtý jobasyn merziminde aıaqtalmaǵany belgili boldy
