Úlken Almaty ózeni jaǵalaýynda jańadan egilgen aǵashtardyń alynyp tastalǵany ras pa
ALMATY. KAZINFORM – Úlken Almaty ózeniniń jaǵalaýynda №1 tundyrǵyshtan Abaı dańǵylyna deıin qaıta jańǵyrtý jumystary júrip jatyr.
Áleýmettik jelide ózen jaǵalaýynda jańa aǵashtardyń otyrǵyzylyp, erteńine olardyń alynyp tastalǵany týraly aqparat tarady. Bul derekke qatysty Almaty qalasynyń ekologııa jáne qorshaǵan orta basqarmasy jaýap berip, ony joqqa shyǵardy.
Vedomstvo málimetinshe, bıyl 11 sáýirde «Amanat» turǵyn úı kesheni mańyndaǵy ýchaskede kógaldandyrý jumystary júrgizilgen. Jańadan otyrǵyzylǵan aǵashtar ornynan alynbaǵan. Merdiger qarańǵy túskende otyrǵyzylmaǵan butalardy saqtaý úshin ýaqytsha qurylys alańdarynyń janyndaǵy kúzetiletin aýmaqqa kóshirgen.
- Qazirgi ýaqytta kógaldandyrý, butalardy otyrǵyzý jáne aýmaqty josparlaý jumystary shtattyq rejımde jalǵasyp jatyr jáne ol Almaty qalasynyń Ekologııa jáne qorshaǵan orta basqarmasynyń turaqty baqylaýynda, - dep habarlady vedomstvo ókilderi.
Eske salaıyq, Úlken Almaty kanaly 1980 jyldardyń basynda paıdalanýǵa berilgen. 2025 jyly jazda bastalǵan qaıta jańǵyrtý jumysynyń quny 12,4 mlrd teńge dep baǵalanǵan.
