Úlken Almaty kanaly túgel betonmen qaptalady
ASTANA. KAZINFORM — Sý resýrstary jáne ırrıgatsııa mınıstrligi D. Qonaev atyndaǵy Úlken Almaty kanalyn úsh kezeń boıynsha rekonstrýktsııalaýdy josparlap otyr.
Vedomstvonyń málimetinshe, qazirgi ýaqytta uzyndyǵy 15,6 shaqyrym bolatyn ýchaskeni rekonstrýktsııalaý jobasy ázirlendi.
Sonymen qatar jalpy uzyndyǵy 110 shaqyrym bolatyn ýchaskelerdi rekonstrýktsııalaýǵa qajetti qujattar ázirlenip jatyr. Bul Almaty oblysyndaǵy negizgi sý arterııasyn tolyqtaı betonmen qaptap, jańǵyrtýǵa múmkindik beredi.
Jumystardyń úshinshi kezeńinde Úlken Almaty kanalynyń bas sý torabyn rekonstrýktsııalaý kózdelgen.
D. Qonaev atyndaǵy Úlken Almaty kanalynyń jalpy uzyndyǵy - 168 shaqyrym. Nysan sekýndyna 87 tekshe metrge deıin sý ótkize alady. Kanaldy rekonstrýktsııalaý onyń sý ótkizý qýatyn jobalyq kórsetkishterge jetkizip, Almaty oblysyndaǵy sýarmaly jerlerge sý berýdi jaqsartýǵa múmkindik beredi.
— Bıyl jyl basynda Úlken Almaty kanalynyń jalpy uzyndyǵy 1,53 shaqyrym bolatyn ýchaskelerin rekonstrýktsııalaý jumystary aıaqtaldy. Nysandy monolıtti temirbetonmen qaptaý jumystary júrgizildi. Bul kanaldyń tehnıkalyq jaǵdaıyn jaqsartýǵa, sý ysyrabynyń kólemin azaıtýǵa jáne oblystaǵy 33,3 myń gektar sýarmaly jerdi sapaly sýmen qamtamasyz etýge múmkindik berdi,— dedi Sý resýrstary jáne ırrıgatsııa mınıstrligi Sý sharýashylyǵy komıtetiniń tóraǵasy Arsen Jaqanbaev.
Eske salaıyq, buǵan deıin Úlken Almaty ózeniniń jaǵalaýy ýaqytsha jabylatynyn jazǵanbyz.
