Úlken Almaty aınalma jolynda apattyq turaq aımaqtary ashyldy
ALMATY. KAZINFORM – ÚAAAJ boıynda qaýipsizdik úshin jańa aımaqtar ashyldy.
Úlken Almaty aınalma avtomobıl jolynda boıynda apattyq turaq aımaqtary paıda boldy. Bul týraly aqyly joldy basqarýshy kompanııa habarlady.
Resmı málimetke sáıkes, jol qozǵalysynyń qaýipsizdigin arttyrý maqsatynda 800 m, 400 m jáne tikeleı turaq aımaǵynyń aldynda (0 m) aldyn ala eskertý belgileri ornatylǵan.
Eske salaıyq, Úlken Almaty aınalma avtomobıl jolynyń qurylysy 2018 jyly bastaldy. Avtokólik joly Almaty oblysynyń 3 aýdany — Qarasaı, Іle, Talǵar aýdandarynyń aýmaǵyn basyp ótetini habarlandy.
1 A tehnıkalyq sanaty boıynsha salynǵan 66 shaqyrymdyq aınalma jol 2023 jyldyń 16 maýsymynda qoldanysqa berildi.
Al 2023 jyldyń 21 shildesinen bastap Úlken Almaty aınalma joly aqyly jolǵa aınaldy.
Buǵan deıin Almaty kósheleri Úlken Almaty aınalma jolyna deıin uzartylatynyn jazǵanbyz.