Úlken Almaty aınalma jolyna kóliktiń jyldamdyǵyn ólsheıtin júıe engizildi
ALMATY. KAZINFORM — Úlken Almaty aınalmaly avtojolynda kólik quraldarynyń ortasha jyldamdyǵyn ólsheıtin júıe engizildi. Bul týraly Almaty oblysy polıtsııa departamenti habarlady.
— Atalǵan ýchaskede ruqsat etilgen jyldamdyq — 120 km/saǵ. Qazirgi ýaqytta júıe testilik rejımde jumys istep jatyr, jabdyqtardy sınhrondaý jáne baǵdarlamalyq qamtamasyz etýdi tehnıkalyq baptaý júrgizilip jatyr, — delingen habarlamada.
Sonymen qatar, bul kezeń júrgizýshilerdiń baqylaýdyń jańa formatyna beıimdelýi úshin qajet.
— Atalǵan júıe júrgizýshilerdi jazalaý úshin emes, jol-kólik oqıǵalarynyń aldyn alý maqsatynda engizilgenin atap ótemiz. Ortasha jyldamdyqty baqylaý kameralar arasyndaǵy jyldamdyqty kúrt arttyrý derekterin azaıtýǵa jáne joldaǵy turaqty tártipti qalyptastyrýǵa múmkindik beredi. Negizgi maqsat — azamattardyń qaýipsizdigin qamtamasyz etý, jol-kólik oqıǵalarynyń sanyn azaıtý jáne adam ómirin saqtaý. Júrgizýshilerdi belgilengen jyldamdyq rejımin jáne jol qozǵalysy erejelerin saqtaýǵa shaqyramyz, — delingen habarlamada.
Aıta ketelik qala magıstraldary Úlken Almaty aınalma jolyna deıin uzartylyp jatqany týraly jazǵan edik.
