Úlken Almaty aınalma jolymen júrý aqysy ózgeredi

ALMATY. KAZINFORM – Kólik mınıstrligi Úlken Almaty aınalma jolyndaǵy jol júrýdiń boljamdy baǵasyn jarııalady.

Mınıstrliktiń buıryǵy «Ashyq NQA» saıtynda «Respýblıkalyq mańyzy bar jalpyǵa ortaq paıdalanylatyn avtomobıl jolynyń Úlken Almaty aınalma joly» ýchaskesin aqyly negizde paıdalaný týraly» degen taqyryppen jarııalanǵan. https://legalacts.egov.kz/npa/view?id=15420413

Jobada jol aqysyn ýaqytyly tóleıtin paıdalanýshylar úshin jeńildik bere otyryp, «Úlken Almaty aınalma avtomobıl joly (ÚAAAJ)» avtomobıl jolymen júrý úshin tarıftik stavkalardy ulǵaıtý kózdeledi.

Jańa tarıfke sáıkes, baǵa eki ese ósedi:

- Jeńil avtomobılder úshin – 0,14 AEK;

- 16 jolaýshy ornyna deıingi avtobýstar jáne júk kótergishtigi 2,5 tonnaǵa deıingi júk avtomobılderi úshin – 0,16 AEK;

- 32 jolaýshy ornyna deıingi avtobýstar jáne júk kótergishtigi 5,5 tonnaǵa deıingi júk avtomobılderi úshin – 0,28 AEK;

- 32 jolaýshy ornyna deıingi avtobýstar jáne júk kótergishtigi 10 tonnaǵa deıingi júk avtomobılderi úshin – 0,32 AEK;

- Júk kótergishtigi 10 tonnadan 15 tonnaǵa deıingi avtomobılder úshin – 0,4 AEK;

- Júk kótergishtigi 15 tonnadan asatyn avtomobılder, onyń ishinde tirkemeleri bar avtomobılder úshin – 0,44 AEK.

Aı saıynǵy abonementtiń quny:

- jeńil avtomobılder -1 AEK nemese 3932 teńge;

- 16 jolaýshy ornyna deıingi avtobýstar jáne júk kótergishtigi 2,5 tonnaǵa deıingi júk avtomobılder – 1,2 AEK nemese 4718 teńge;

- 32 orynǵa deıingi avtobýstar men júk kótergishtigi 5,5 tonnaǵa deıingi júk avtomobılderi úshin – 2 AEK nemese 7864 teńge ;

- 32 orynnan asatyn avtobýstar jáne júk kótergishtigi 10 tonnaǵa deıingi avtopoezdar úshin júk avtomobılderi – 3 AEK nemese 11 796 teńge;

- Júk kótergishtigi 10 tonnadan 15 tonnaǵa deıingi júk avtomobılderi úshin – 4 AEK nemese 15728 teńge ;

Júk kótergishtigi 15 tonnadan asatyn, onyń ishinde tirkemeleri bar júk avtomobılderi úshin ershikti tartqyshtar – 5 AEK nemese 19 660 teńge (qazir 2,5 AEK).

Sáıkesinshe, jyldyq abonementter quny da eki ese ósedi.

Eske salaıyq, Úlken Almaty aınalma jolymen júrý aqysy 2024 jylǵy qańtarda da ósken bolatyn. 

Úlken Almaty aınalma avtokólik joly 2023 jyly paıdalanýǵa berilgen edi. 

Keıin ÚAAAJ-nyń tólemaqysy bekitildi. 

Joba 2025 jyldyń 14 aqpanǵa deıin jarııa talqylaý úshin «Ashyq NQA» portalynda ornalastyrylǵan.