Úlken Almaty aınalma jolymen júrý aqysy ózgerdi

2024 jyldyń 1 qańtarynan bastap Úlken Almaty aınalma jolymen júrý aqysy ósti, dep habarlaıdy Kazinform.

Almaty oblysy Іle aýdany ákimdiginiń málimetinshe, 2024 jylǵy aılyq eseptik kórsetkishti (AEK) ındeksatsııalaýǵa baılanysty 2024 jyldyń 1 qańtarynan bastap ÚAAAJ-ben júrý aqysy ózgergen.

Sondaı-aq 2024 jylǵy aılyq eseptik kórsetkish (AEK) – 3692 teńgeni qurady. 

Belgili bolǵandaı, jeńil kólikter - 0,07 AEK (258,44 teńge);
16 orynǵa deıingi avtobýstar men 2,5 tonnaǵa deıingi júk kólikteri – 0,08 AEK (295,36 teńge);
32 orynǵa deıingi avtobýstar men 5,5 tonnaǵa deıingi júk kólikteri – 0,14 AEK (516,88 teńge);
32 orynǵa deıingi avtobýstar men 10 tonnaǵa deıingi júk kólikteri – 0,16 AEK (590,72 teńge);
10 tonnadan asatyn júk kólikteri – 0,2 AEK (738,40 teńge);
15 tonnadan asatyn júk kólikteri –0,22 AEK (812,24 teńge).

ÚAAAJ-dy kesip ótetin, Qarasaı, Іle, Talǵar aýdandarynda tirkelgen avtokólik ıeleri úshin abonenttik tólem qarastyrylǵan.

Eske salaıyq, ótken jyldyń maýsym aıynda Úlken Almaty aınalma avtokólik joly paıdalanýǵa berilgen bolatyn.

Keıin ÚAAAJ-nyń tólemaqysy bekitilgen edi.