Ulytaýdan Syr boıyna 839 mln tekshe metr sý jiberildi
ASTANA. KAZINFORM — Ulytaý oblysynan Qyzylorda oblysynyń kólderine 839 mln tekshe metrden astam tasqyn sýy jiberildi.
Sý tasqyny kezinde Ulytaý oblysynyń Keńgir sý qoımasynan 839 mln tekshe metrden astam sý jiberildi.
Osynyń nátıjesinde alǵash ret Keńgir sý qoımasynan jiberilgen sý Sarysý ózeni arqyly Qyzylorda oblysynyń kólderine jetti.
Keńgir sý qoımasynan — 307 mln, Jezdi sý qoımasynan — 81 mln tekshe metr sý aǵyzyldy.
Al Sarysý ózenindegi «Qyzyljar temir jol stantsııasy» sý beketi arqyly 451 mln tekshe metr sý keldi.
«Búgingi tańda Qyzylorda oblysynyń Telikól kólder júıesiniń qarqyndy sý jınaǵany baıqalady, bul óńirdiń aýyl sharýashylyǵyna oń áser etýi tıis. Jınalǵan sý odan ári oblystaǵy kúrish alqaptaryna aǵyzylady», — dedi Sý resýrstary jáne ırrıgatsııa mınıstrliginiń resmı ókili Móldir Ábdýálıeva.
