Ulytaýdan Qostanaı oblysyna deıin jol jabyldy

ASTANA. KAZINFORM — 7 qańtarda saǵat 14:00–dan bastap Ulytaý oblysynda kólik qozǵalysy shekteledi, dep habarlaıdy «QazAvtoJol» UK.

— 2025 jylǵy 7 qańtarda saǵat 14:00–dan bastap Ulytaý oblysynda aýa raıynyń qolaısyzdyǵyna baılanysty «Jezqazǵan — Petropavlsk» avtojolynyń 137-252 shaqyrym aralyǵynda (Ulytaý aýylynan Qostanaı oblysy shekarasyna deıin) kóliktiń barlyq túriniń qozǵalysyna shekteý qoıý josparlanýda, — delingen habarlamada.

2025 jylǵy 7 qańtarda saǵat 14:00–dan bastap Qostanaı oblysynda aýa raıynyń qolaısyzdyǵyna baılanysty «Jezqazǵan — Petropavlsk» avtojolynyń 252-339 shaqyrym aralyǵynda (Ulytaý oblysy shekarasynan Arqalyq qalasyna deıin) kóliktiń barlyq túriniń qozǵalysyna shekteý qoıý josparlanýda. 

Bul rette joldy 2025 jylǵy 8 qantar saǵat 07:00–de ashý josparlanǵan. 

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady. 

Buǵan deıin habarlaǵanymyzdaı, Qazaqstannyń 15 oblysynda daýyldy eskertý jarııalandy.