Ulytaýda jyl basynan beri 2 myńǵa jýyq adam abattandyrý qaǵıdalaryn buzǵan
ASTANA. KAZINFORM — Ulytaý oblysynda 2 myńǵa jýyq abattandyrý qaǵıdalaryn buzý deregi toqtatyldy, dep habarlaıdy QR ІІM baspasóz qyzmeti.
Óńirde qoǵamdyq tártipti saqtaý, eldi mekenderdiń tazalyǵy men abattandyrylýyn qamtamasyz etý baǵytyndaǵy profılaktıkalyq jumystar turaqty túrde júrgizilip jatyr.
Jyl basynan beri polıtsııa qyzmetkerleri abattandyrý qaǵıdalaryn buzý, sondaı-aq eldimekenderdiń ınfraqurylymyna, jasyl jelekterge jáne ortaq paıdalanylatyn oryndarǵa uqypsyz qaraý faktileri boıynsha 2 myńǵa jýyq ákimshilik quqyq buzýshylyqty anyqtady.
— Sonymen qatar kóshelerdi, saıabaqtardy, aýlalardy jáne basqa da ortaq paıdalanylatyn oryndardy lastaýǵa baılanysty 100-den astam quqyq buzýshylyq tirkeldi. Atalǵan faktiler boıynsha quqyq buzýshylarǵa zańnama talaptaryna sáıkes ákimshilik jaýapkershilik sharalary qoldanyldy, — delingen habarlamada.
Polıtsııa qyzmetkerleri qoǵamdyq oryndarda tazalyq pen tártipti saqtaý baǵytyndaǵy reıdtik jáne túsindirý jumystaryn turaqty negizde jalǵastyrady. Bul jumystardyń basty maqsaty — quqyq buzýshylyqtardyń aldyn alý, azamattardyń quqyqtyq mádenıetin qalyptastyrý jáne turǵyndardyń jaıly ómir súrýine qolaıly orta qurý.
Polıtsııa turǵyndardy qorshaǵan ortaǵa uqypty qaraýǵa, qoǵamdyq oryndardy lastamaýǵa, abattandyrý qaǵıdalaryn saqtaýǵa jáne árbir quqyq buzýshylyqtyń zań aldynda jaýapkershilikke ákeletinin esten shyǵarmaýǵa shaqyrady.
Buǵan deıin Ulytaýda kásiporyn dırektory tergeýshige para bermek bolǵan sátte ustalǵanyn jazǵan edik.
