Ulytaýda jeti kenshiniń ómirin qıǵan apat: sotta úsh adam jaýap berip jatyr
JEZQAZǴAN. KAZINFORM — Ulytaý oblysynyń Jańaarqa aýdandyq sotynda «Jomart» kenishindegi qaıǵyly oqıǵaǵa qatysty qylmystyq isti qaraý jalǵasyp jatyr. Marqum shahterlerdiń keıbir týystary istiń barlyq mán-jaıy jan-jaqty qaralýy kerek dep esepteıdi.
— Biz istiń ádil ári jan-jaqty qaralǵanyn qalaımyz. Qaıǵyly oqıǵaǵa kimniń naqty jaýapty bolǵany anyqtalýy kerek dep esepteımiz, — dedi marqumdardyń týystarynyń biri.
Іs aıasynda usynylǵan málimetterge sáıkes, bastapqyda 24 adam kúdikti retinde ótken. Qazirgi ýaqytta sot aldynda úsh adam jaýap berip jatyr.
Aıyptaý tarapy taǵylǵan aıyptardy taý-ken jumystaryn júrgizý kezinde qaýipsizdik talaptarynyń buzylýymen, onyń ishinde metannyń bar-joǵyn tekserýdiń júrgizilmeýimen baılanystyrady.
Sottyń segizinshi otyrysy 1 qazanda ótti. Іsti qaraý jalǵasyp jatyr.
Eske sala keteıik, Ulytaý oblysynyń Jańaarqa aýdanyndaǵy «Jomart» kenishinde qaıǵyly oqıǵa 2025 jylǵy aqpanda boldy. Taý-ken massasynyń opyrylýy saldarynan «Qazaqmys korporatsııasy» JShS-niń jeti jumysshysy qaza tapty.
Memleket basshysy Ulytaý oblysynda kenshilerdiń qaza tabýyna baılanysty kóńil aıtty.
Aıta keteıik, qaza tapqan kenshilerdiń otbasylaryna járdemaqylar men tólemder taǵaıyndalady.
Sondaı-aq Ulytaý oblysynda shahtanyń opyrylýyna baılanysty úkimettik komıssııa quryldy.
2025 jylǵy maýsymda «Jomart» kenishine taý-ken jumystaryn qaıta bastaýǵa ruqsat berildi. Kásiporynnyń iske qosylǵanyn «Qazaqmys korporatsııasy» JShS basqarma tóraǵasy Nurahmet Nýrıev habarlady.
