Ulytaýda jańa Konstıtýtsııany qoldaýǵa arnalǵan forýmǵa myńǵa jýyq jas jınaldy
JEZQAZǴAN. KAZINFORM — Jezqazǵan qalasyndaǵy «Jiger» sport kesheninde aldaǵy referendýmdy qoldaýǵa arnalǵan «Ádiletti ári progressıvti Qazaqstannyń halyqtyq Konstıtýtsııasy úshin!» atty forým ótti.
Іs-sharaǵa myńǵa jýyq qatysýshy jınaldy.
Forým barysynda qatysýshylarǵa konstıtýtsııalyq ózgeristerdiń mańyzy, olardyń eldiń odan ári damýyna jáne ádiletti, progressıvti qoǵam qalyptastyrýdaǵy róli túsindirildi. Sondaı-aq referendýmnyń Qazaqstannyń bolashaǵy úshin mańyzdylyǵyna erekshe nazar aýdaryldy.
Forýmǵa myńǵa jýyq jas qatysty. Olardyń qatarynda stýdentter, jumysshy mamandyq ıeleri, ulttyq kompanııalardyń qyzmetkerleri, medıtsına salasynyń ókilderi, shyǵarmashyl jastar jáne ózge de belsendi azamattar bar.
Jıynda Jezqazǵan qalalyq Jastar resýrstyq ortalyǵynyń dırektory Sáken Qaıratov, «Amanat» partııasynyń «Jastar Rýhy» jastar qanaty oblystyq fılıalynyń tóraıymy Nurgúl Talǵatbekova, sondaı-aq «Ular-Ulytaý» qoǵamdyq birlestiginiń tóraǵasy Abaı Oraz sóz sóıledi. Spıkerler jastardyń eldiń qoǵamdyq-saıası ómirine belsendi qatysýynyń mańyzdylyǵyn atap ótip, memleket bolashaǵyna qatysty máselelerde belsendi bolýǵa shaqyrdy.
Forým kontserttik baǵdarlamamen jalǵasty. Shara barysynda jas oryndaýshylar patrıottyq ánder oryndady.
Іs-shara ashyq dıalog pen pikir almasýǵa arnalǵan alańǵa aınalyp, óńirdiń belsendi jastaryn aldaǵy referendýmdy qoldaý jáne Qazaqstannyń odan ári damýy ıdeıasy tóńireginde biriktirdi.
