Ulytaýda zańsyz marganets óndirgender 1 mlrd teńgeden astam ónimdi shetelge jóneltken
ASTANA. KAZINFORM — QMA Ulytaý oblysy boıynsha departamenti marganets kenin zańsyz óndirý jáne óńdeýmen aınalysqan toptyń áreketine tosqaýyl qoıdy.
Kúdiktiler paıdalanýdan shyqqan karerdi rekýltıvatsııalaý jumystaryn júrgizip jatqan keıip tanytqan. Oqıǵa ornynda aýyr karer tehnıkasy men usatý-jýý jabdyqtary qoldanylǵan tolyqqandy taý-ken baıytý kesheni iske qosylǵan.
— Óndirilgen ken taýarlyq kontsentratqa óńdelip, temirjol arqyly shekaralas memleketterge eksportqa jóneltilip otyrǵan. Shıkizatty júıeli túrde tıep-jóneltý úshin kúdiktiler temirjol tuıyǵyn jalǵa alǵan, — dep habarlady agenttikten.
Tergeý dereginshe, ótkizilgen ónim kólemi 23 myń tonnadan asyp, onyń quny 1 mlrd teńgeden kóp bolǵan. Zańsyz áreket saldarynan qorshaǵan ortaǵa zalal keltirilgen. Búlingen jerlerdi qalpyna keltirý quny 150 mln teńgeden asady. Tergeý jalǵasyp jatyr. Ózge aqparat QR QPK-niń 201-babyna sáıkes jarııa etilmeıdi.
Aıta keteıik, buǵan deıin veıpke qatysty Qarjylyq monıtorıng agenttigi zańsyz saýdanyń 25 deregin toqtatyp, 276 myńnan astam elektrondy tutyný júıesin tárkilegen edi. Keıbir qylmystyq shemalarda aqsha aınalymy 3,2 mlrd teńgeden asqan.
