12:48, 14 Naýryz 2026 | GMT +5
Ulytaýda qurash kúresinen Qazaqstan chempıonaty ótip jatyr
JEZQAZǴAN. KAZINFORM – Ulytaý oblysynda 2013–2014 jyly týǵan kishi jasóspirimder arasynda qurash kúresinen Qazaqstan chempıonaty ótip jatyr.
Respýblıkalyq dodaǵa elimizdiń 11 oblysynan 203 jas sportshy qatysyp, ózara myqtyny anyqtap jatyr.
Chempıonattyń basty maqsaty – qurash kúresin damytý, jas sportshylardyń sheberligin shyńdaý jáne bolashaǵynan úmit kúttiretin balýandardy anyqtaý.
Jarys 13–15 naýryz aralyǵynda ótip, qatysýshylar birneshe salmaq dárejesi boıynsha baq synaıdy.
Uıymdastyrýshylardyń aıtýynsha, mundaı respýblıkalyq deńgeıdegi jarystar jasóspirimderdiń sportqa degen qyzyǵýshylyǵyn arttyryp, ulttyq sport túrlerin keńinen nasıhattaýǵa múmkindik beredi.
