Ulytaýda «Qyzylorda-Jezqazǵan» jolynyń qurylysy áli bastalmaǵan

ASTANA. KAZINFORM – Úkimette eldegi avtojol salasyn damytý máseleleri qaralýda. Kólik mınıstri Marat Qarabaev «Qyzylorda-Jezqazǵan» avtojolynyń qurylysy boıynsha suraqtarǵa jaýap berdi.

«Problemaly jdoldardyń biri – Qyzylorda-Jezqazǵan. Prezıdent te birneshe ret qadap aıtty. Alaıda Ulytaý oblysynda qurylys jumystary áli bastalǵan joq. Qandaı shara qabyldap otyrsyzdar?», - dep surady Premer-Mınıstr Oljas Bektenov.

Óz jaýabynda sala mınıstri byltyr Qyzylorda aýmaǵynda bul jumys bastalǵanyn aıtýda. 192 shaqyrymnyń 140 shaqyrymynda bıyl qozǵalys ashylady.

«Al Ulytaý oblysynda 208 shaqyrymda jobalyq qujattama eski boldy. Sondyqtan jobalyq qujattamany basynan memlekettik saraptamadan ótkizilip, oǵan Azııalyq damý bankiniń qarjysy tartyldy jáne konkýrs rásimderi aıaqtaldy. Qazir jeńimpaz anyqtalǵan. Shilde aıynyń sońyna deıin barsha jeńimpazdarmen tıisti kelisimshartty bekitemiz. Tamyz aıynda mobılızatsııa jumystary bastalady. ıAǵn,ı qurylys jumystary qyrkúıek aıynda bastalady», - dep jaýap berdi Kólik mınıstri.

Aıta keteıik, 2021 jyly «Qyzylorda-Jezqazǵan» avtojolyn jańǵyrtý jóninde aıtylǵan edi.

Byltyr jobanyń 40 mlrd teńgege qymbattaǵany habarlandy.