Ulytaýda kásiporyn dırektory tergeýshige para bermek bolǵan sátte ustaldy
ASTANA. KAZINFORM — Ulytaý oblysynda kásiporyndardyń biriniń dırektory para berýge kúdikti retinde ustalǵany belgili boldy.
Ulytaý oblysy polıtsııa departamentiniń ózindik qaýipsizdik basqarmasynyń qyzmetkerleri para berý dereginiń jolyn kesti.
Er adam alaıaqtyq faktisi boıynsha tergelip jatqan qylmystyq is boıynsha oń sheshim qabyldatý maqsatynda tergeýshige aqshalaı syıaqy usynǵan.
Tergeý bóliminiń qyzmetkeri kúdiktiniń zańsyz áreketteri týraly ózindik qaýipsizdik basqarmasyna habarlaǵan.
— Jedel is-sharalar barysynda kúdikti aqshany berý kezinde qylmys ústinde ustaldy. Qarajat tárkilendi. Kúdikti ýaqytsha ustaý ızolıatoryna qamaldy. Qazirgi ýaqytta sotqa deıingi tergep-tekserý júrgizilip jatyr. QR Qylmystyq-protsestik kodeksiniń 201-babyna sáıkes, tergeý múddesine baılanysty ózge aqparat jarııa etilmeıdi, — delingen vedomstvo habarlamasynda.
Polıtsııa para berý zań boıynsha qylmystyq jaýapkershilikke ákep soǵatynyn eske salady. Jaza aıyppul salýdan bastap bas bostandyǵynan aıyrýǵa deıingi sharalardy qamtıdy.
Buǵan deıin Ulytaý oblysynda jol erejesin óreskel buzǵan 8 júrgizýshi jaýapqa tartylǵanyn jazǵanbyz.
