Ulytaýda kásipkerler úshin kommýnaldyq qyzmet tarıfteri tómendetildi — Antıkor

JEZQAZǴAN. KAZINFORM – Ulytaýda Antıkordyń usynysy boıynsha bıznes salasyndaǵy kommýnaldyq qyzmetter tarıfteriniń esebi ózgertildi. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti málim etti. 

Memleket basshysynyń tapsyrmalaryn iske asyrý sheńberinde Sybaılas jemqorlyqqa qarsy qyzmetpen bıznesti memlekettik organdar tarapynan zańsyz aralasýdan qorǵaý turaqty baqylaýǵa alyndy.

«Bızneske jol» jobasy aıasyndaǵy sharalardyń arqasynda bıznes sýbektileri úshin kommýnaldyq qyzmetterge tarıfterdi esepteýdiń oń tájirıbesin belgileýge múmkindik týdy. Máselen, Jezqazǵan qalasynda kásipker mektepte tamaqtanýdy qamtamasyz etý baıqaýynda jeńiske jetti. Jasalǵan shart aıasynda oǵan ashananyń úı-jaıy men jabdyqtaryn jalǵa berý qamtamasyz etildi. Sharttyń talaptaryna sáıkes kommýnaldyq qyzmetter úshin tólem úı-jaıdyń menshik ıesi-memlekettik organǵa júrgizildi», - delingen agenttik habarlamasynda. 

Alaıda, bul kásipker úshin aıtarlyqtaı negizsiz shyǵystarǵa alyp keldi, óıtkeni bıznes úshin tarıf 12,55 teńge, al memlekettik mekemeler úshin — 71,47 teńge, bul 5,6 ese kóp.

Bıznes múddelerin qorǵaý úshin Jezqazǵan qalasynyń № 8 jáne 11 mektepterinde Sybaılas jemqorlyqqa qarsy qyzmettiń usynysy boıynsha shart talaptarynda ózgeristerge qol jetkizildi.

Endi elektr energııasy úshin tólem tikeleı elektr energııasyn jetkizýshilerge kásipker belgilegen eseptegishtiń kórsetkishterine sáıkes, al jylý energııasy úshin — úı-jaıdyń aýdanyna qaraı júrgiziledi.

Bul sharalar bir kásipkerge jylyna 1 mln teńgeden astam qarajatty únemdeýge múmkindik berdi.

Buǵan deıin habarlanǵandaı, Shymkentte para almaq bolǵan sanıtarlyq qadaǵalaý salasyna jaýapty basshylar sottaldy.