Ulytaýda ǵylym men óndiristi yqpaldastyrýǵa baǵyttalǵan jańa jospar qabyldandy
JEZQAZǴAN. KAZINFORM — Jezqazǵanda Qazaqstan Respýblıkasy Prezıdentiniń janyndaǵy Ulttyq ǵylym akademııasynyń «Qýatty óńirlik ǵylym – qýatty óńir» taqyrybyndaǵy kóshpeli Prezıdıým otyrysy ótti.
Jıynda óńirdiń ǵylymı-tehnologııalyq damýynyń basym baǵyttary talqylanyp, mıneraldyq shıkizatty keshendi óńdeý, geologııalyq barlaý men metallýrgııany tsıfrlandyrý, ekologııalyq qaýipsizdik, sý resýrstaryn basqarý jáne agroónerkásip salasyn ǵylymı súıemeldeý máselelerine basymdyq berildi.
Otyrys barysynda ǵylym jetistikterin óndiris pen ekonomıkanyń naqty sektoryna engizý tetikteri qarastyrylyp, qytaılyq ǵylymı uıymdarmen tehnologııalar transferti, jasandy ıntellektti paıdalaný jáne zamanaýı geologııalyq zertteý ádisterin engizý baǵyttary talqylandy.
Іs-shara qorytyndysynda Ulytaý oblysynyń ǵylymı-tehnologııalyq damýyn jedeldetýge arnalǵan qarar men birlesken is-qımyl jospary qabyldandy.
Sondaı-aq Jezqazǵan qalasyndaǵy «Kazakhmys Barlau» geologııalyq klasteri bazasynda Qazaqstan Respýblıkasy Prezıdentiniń janyndaǵy Ulttyq ǵylym akademııasynyń óńirlik forsaıt-ortalyǵy ashyldy.
