Ulytaý oblysynda 9 myńnan astam turǵyn birjolǵy áleýmettik tólemnen qaǵylǵan
ASTANA. KAZINFORM — Ulytaý oblysynda áleýmettik máni bar aýrýǵa shaldyqqan myńdaǵan turǵyn birjolǵy áleýmettik tólem ala almaǵan. Bul týraly oblystyq prokýratýra habarlady.
Prokýratýra azamattarǵa áleýmettik kómek kórsetý kezinde olardyń quqyqtary shektelgenin anyqtaǵan. Atap aıtqanda, qoldanystaǵy tizimge 11 aýrý túri engizilgenimen, birjolǵy áleýmettik tólem onyń tek úsheýine shaldyqqan azamattarǵa ǵana taǵaıyndalyp kelgen.
Osyǵan baılanysty qalǵan aýrýlary bar turǵyndar áleýmettik qoldaýdan tys qalǵan.
Prokýrorlyq qadaǵalaý aktisinen keıin tıisti normatıvtik quqyqtyq aktiler qaıta qaralyp, áleýmettik kómek alýshylardyń qatary keńeıtildi.
Nátıjesinde Ulytaý oblysynyń 9 myńnan astam turǵyny birjolǵy áleýmettik tólem alatyn boldy.
Eske salaıyq, munyń aldynda áleýmettik tólem qandaı jaǵdaıda keri qaıtarylatyny jóninde jazǵanbyz.
