Ulytaýda 115 kommýnaldyq qyzmetker zeınetaqy aýdarymdarynan qaǵylǵan

ASTANA. KAZINFORM — Ulytaý oblysynda 10 myńǵa jýyq azamattyń konstıtýtsııalyq quqyǵy qorǵaldy, dep habarlaıdy oblystyq prokýratýranyń baspasóz qyzmeti.

Adam quqyqtaryn qorǵaý, onyń ishinde konstıtýtsııalyq quqyqtardyń saqtalýyn baqylaý prokýratýra organdarynyń negizgi mindetteriniń biri sanalady. Júrgizilgen qadaǵalaý jumysynyń nátıjesinde Ulytaý oblysynyń prokýratýra organdary 9 727 azamattyń konstıtýtsııalyq quqyqtaryn qorǵady.

Atap aıtqanda, Jańaarqa aýdanyndaǵy «Jańaarqa jylý» kommýnaldyq kásipornynda 115 qyzmetkerge qatysty zeınetaqy jáne áleýmettik aýdarymdar júrgizilmegen.

Jezqazǵan qalasynda 5 954 múgedektigi bar adamǵa memlekettik organdardyń qajetti qujattary rásimdelmegen, bul atalǵan sanattaǵy azamattardyń kemsitýshilikke ushyraýyna ákelgen.

— Anyqtalǵan buzýshylyqtar boıynsha prokýrorlyq qadaǵalaý aktileri engizilip, zańbuzýshylyqtar joıyldy, kináli tulǵalar jaýapkershilikke tartyldy. Bul baǵyttaǵy jumys jalǵasady, — delingen habarlamada.

Osyǵan deıin Ulytaýda 7 myń ga aýyl sharýashylyǵy jeri maqsatsyz paıdalanylǵany anyqtaldy.