Ulytaý tehnıkalyq ýnıversıteti men Colorado School of Mines ınjenerlerdi birlese daıarlaıdy
ASTANA. KAZINFORM – QR Ǵylym jáne joǵary bilim mınıstrligi men Colorado School of Mines (QS World University Ranking by Subject: Mineral and Mining Engineering 2025 reıtıngi boıynsha – 1-oryn) arasynda Jezqazǵan qalasynda Ulytaý tehnıkalyq ýnıversıtetin qurýǵa qatysý jónindegi yntymaqtastyq týraly ımplementatsııalyq hattamaǵa qol qoıyldy.
Bul ýnıversıtet taý-ken isi men metallýrgııa salasynda joǵary bilikti mamandar daıarlaý jáne qoldanbaly zertteýlerdi damytý boıynsha ozyq tájirıbe ortalyǵyna aınalmaq.
Ulytaý ýnıversıtetin qurý isine «Kazakhmys Barlau» geologııalyq barlaý kompanııasy da qatysady. Kompanııa akademııalyq jáne óndiristik yntymaqtastyqty, sondaı-aq geologııalyq salaǵa arnalǵan ozyq tehnologııalar transferin belsendi qoldaıdy.
- Qol qoıylǵan hattamaǵa sáıkes taraptar qos dıplom baǵdarlamasyn iske qosýmen qatar taý-ken ónerkásibi men geologııalyq ǵylymdar salasyndaǵy ǵylymı zertteýler men ınnovatsııalar baǵytynda yntymaqtastyqty keńeıtýge, óńirdiń jergilikti máselelerin sheshýge baǵyttalǵan memlekettik-jekemenshik áriptestik jobalaryn damytýǵa ýaǵdalasty, - delingen mınıstrlik aqparatynda.
Bul kelisim Qazaqstannyń Ortalyq Azııadaǵy akademııalyq ortalyq retindegi rólin edáýir kúsheıtedi. Búginde elimizde sheteldik joǵary oqý oryndarynyń 40 fılıaly jumys isteıdi, 31,5 myń sheteldik stýdent bilim alyp jatyr.
Aıta keteıik, Colorado School of Mines – 1873 jyly qurylǵan memlekettik ýnıversıtet. Ol stýdentterdi naqty óndiristik mindettermen jumys isteýge úıretýmen tanymal. Ýnıversıtet túlekteri ǵylymı zertteýler júrgizýmen qatar halyqaralyq ınjenerlik jobalarda tájirıbe jınaqtaı alady.
Eske salaıyq, Oracle Qazaqstanda JI ınfraqurylymyn damytýǵa qatysady.