Ulytaý shahtasyndaǵy apat boıynsha qurylǵan komıssııa búgin Úkimetke qorytyndysyn beredi

ASTANA. KAZINFORM –  Ulytaý oblysynyń» «Jomart» shahtasynda 7 adamnyń ómirin qıǵan apattyń sebebin zerttegen komıssııa búgin tústen keıin Úkimetke qorytyndysyn ótkizedi. Bul týraly Tótenshe jaǵdaılar vıtse-mınıstri  Kegen Tursynbaev Senattaǵy parlamenttik tyńdaýda aıtty.

- Sotqa deıingi tergeý bastaldy. Apattyń aldyn ala sebebi – tabıǵı gazdyń jarylýy. Komıssııa múshelerimen birge apat ornyn tekserdik, «Qazaqmys» korporatsııasynyń qyzmetimen tanystyq. Qaza tapqandardyń otbasylarymen kezdestik. Tergeý aıasynda jeti komıssııa quryldy. Qazir shahtanyń jumysy toqtatylǵan. Qajetti saraptamalar taǵaıyndaldy. Tergeý júrgizilip jatyr. Búgingi ýaqytta komıssııa óziniń jumysyn bitirip, búgin tústen keıin Úkimette baıandaıdy. Qorytyndysy qabyldanǵan soń, jaqyn arada halyqqa da, ózderińizge de jetkiziledi dep oılaımyn, - dedi ol depýtattar suraǵyna bergen jaýapta.

Aıta ketý kerek, atalǵan shahtanyń jumysy qaıǵyly oqıǵadan keıin ýaqytsha toqtatylǵan bolatyn.