Ulytaý óńirinde jańa reabılıtatsııalyq ortalyq ashyldy
JEZQAZǴAN. KAZINFORM – Ulytaý oblysynda bıylǵy jyly erekshe qajettilikteri bar balalarǵa arnalǵan jańa reabılıtatsııalyq ortalyq ashyldy. Bul týraly oblys ákimdiginiń baspasóz qyzmeti málimdedi.
Ortalyq 3 pen 18 jas aralyǵyndaǵy balalarǵa kómek kórsetýge baǵyttalǵan jáne jyl saıyn 600 balaǵa deıin qabyldaı alady. Bul joba «Qazaqstan halqyna» qorynyń qoldaýymen júzege asyryldy.
— Bul yntymaqtastyqtyń jalǵasyp jatqanyna qýanyshtymyn. «Qazaqstan halqyna» qory áleýmettik kómek aıasynda ortalyqqa 65 mıllıon teńge kóleminde jabdyqtar jetkizip, 52,4 mıllıon teńgege balalarǵa oıyn alańyn, fýtbol, basketbol alańdaryn jáne vorkaýt gımnastıkalyq keshenin syıǵa tartty, — dedi Ulytaý oblysynyń ákimi Dastan Ryspekov.
Budan basqa, 2024 jyly oblys boıynsha kóptegen mańyzdy qurylys jobalary júzege asty. Jańa mektepter, balabaqshalar men medıtsınalyq mekemelerdiń qurylysy aıaqtaldy.
Ulytaý oblysynyń ekonomıkasy da damý jolynda. 2024 jyly 1-shi jartyjyldyǵy boıynsha jalpy óńirlik ónim 799 mlrdteńgeni qurap, oblys ekonomıkasynyń 3%-ǵa ósti. Investıtsııalar kólemi 158 mıllıard teńgege jetip, bul kórsetkishtiń jyl saıyn ósýi baıqalady. Oblys ákimdigi aldaǵy ýaqytta jańa óndirister men ınfraqurylymdyq nysandardy iske qosý josparyn odan ári damytýdy kózdep otyr.
Ulytaý oblysy áleýmettik jáne ekonomıkalyq salalarda turaqty ósim kórsetip, óńirdiń damýynda jańa múmkindikter ashyp keledi.
Eske salsaq, osyǵan deıin Ulytaý oblysynda jarty jylda jalpy óńirlik ónim kólemi 3%-ǵa óskeni belgili boldy.