Ulytaý oblysynyń Túgisken aýylynda jańa veterınarııalyq pýnkt ashyldy
JEZQAZǴAN. KAZINFORM – Ulytaý oblysy Jańaarqa aýdanynyń Túgisken aýylynda zamanaýı veterınarııalyq pýnkttiń ashylýy ótti.
Jańa nysan aýyl turǵyndary men mal sharýashylyǵymen aınalysatyn azamattarǵa sapaly veterınarııalyq qyzmet kórsetýdi qamtamasyz etý maqsatynda salyndy. Pýnkt aýmaǵynda janýarlardy egý jáne emdeý jumystaryna arnalǵan arnaıy qasha men jeke qorshaý ornatylǵan.
Búginde Ulytaý oblysy boıynsha barlyǵy 35 veterınarııalyq pýnkt jumys isteıdi. Olardyń barlyǵy aýdandyq ákimdikter men veterınarııalyq stantsııalardyń ǵımarattarynda ornalasqan. Al Túgisken aýylyndaǵy jańa pýnkt — jeke ǵımarat retinde aýyl syrtynda ornalasqan alǵashqy nysandardyń biri.
Bul joba — Ulytaý oblysynda veterınarııa salasyn damytý, janýarlardyń densaýlyǵyn qorǵaý jáne aýyl turǵyndarynyń qaýipsizdigin arttyrý baǵytyndaǵy mańyzdy qadam.
Aıta ketý kerek, Kelesi jyly 18 veterınarııalyq pýnkt jáne 1 veterınarııalyq stantsııa salý josparlanyp otyr.