Ulytaý oblysynyń Terekti stansasynda jańa mektep ashyldy
JEZQAZǴAN. KAZINFORM — Ulytaý oblysynyń Terekti stansasynda 80 oryndyq jańa mektep ashyldy, dep habarlaıdy oblys ákimdiginiń baspasóz qyzmeti.
Qos qabatty bilim ordasy zamanaýı talaptarǵa saı jabdyqtalyp, oqýshylarǵa sapaly bilim alýǵa barlyq jaǵdaı jasalǵan. Oǵan qosa, bıyl qyrkúıekten bastap, bilim oshaǵynda 25 balaǵa arnalǵan shaǵyn ortalyq ashylady. Ol jerde 3-6 jas aralyǵyndaǵy búldirshinder bilim alady.
Jańa mekteptiń ashylý saltanatyna ustazdar, ata-analar men oqýshylar qatysty.
Óńir basshysy jańa mekteptiń ashylýy — aýyl turǵyndary uzaq kútken mańyzdy qýanysh ekenin atap ótti.
— Biz balalarymyzdyń sapaly bilim alýyn qamtamasyz etý úshin bar kúshimizdi salamyz. Bul mektep — óńirimizdegi bilim berý sapasyn jaqsartýǵa baǵyttalǵan naqty qadam. Balalarymyzdyń bolashaǵy jarqyn bolýy úshin osyndaı ıgi ister jalǵasyn tabady, — dedi óńir basshysy óz quttyqtaýynda.
Jańa mektep qajetti ınfraqurylymmen tolyq qamtylǵan. Onda pán kabınetteri, zamanaýı jabdyqtalǵan zerthanalar, kitaphana, ashana jáne sport zaly qarastyrylǵan. Sonymen qatar, bilim ordasy oqýshylardyń jan-jaqty damýyna múmkindik beretin barlyq jaǵdaımen qamtamasyz etilgen.
Terekti stansasyndaǵy jańa mektep aýyl balalarynyń sapaly bilim alýyna úlken múmkindik beredi. Ustazdar ujymy oqý protsesin jańa ádistemeler negizinde uıymdastyryp, oqýshylardyń bilim deńgeıin kóterýge kúsh salatynyn aıtty.
Buǵan deıin Ulytaý oblysyndaǵy Qarajal qalasyna 1 mlrd teńge ınvestıtsııa salynatyny aıtyldy.