Ulytaý oblysynyń prokýratýrasy: 200 mln teńgeden astam salyq bereshegi óndirildi
ASTANA. KAZINFORM — Ulytaý oblysynyń prokýratýra organdary salyq salasynda 20 tekserý men taldaý júrgizip, 30 tulǵany jaýapkershilikke tartty. Nátıjesinde 200 mln teńgeden astam salyq bereshegi óndirildi. Bul týraly Ulytaý oblysynyń prokýratýrasy
Ulytaý oblysy prokýrorynyń tóraǵalyǵymen zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń otyrysy ótti.
Keńes barysynda salyq zańnamasynyń saqtalýy boıynsha Memlekettik kirister organdarynyń qyzmetine júrgizilgen tekserý nátıjeleri, sondaı-aq memleket paıdasyna jáne alıment óndirý máselelerinde sot oryndaýshylary qabyldaǵan sharalardyń zańdylyǵy men tıimdiligi qaraldy.
Bıyl jalpy prokýratýra organdary salyq salasynda 20 tekserý men taldaý júrgizip, 30 tulǵany jaýapkershilikke tartty. Nátıjesinde 200 mln teńgeden astam salyq bereshegi óndirildi.
Atqarýshylyq is júrgizý aıasynda 21 qylmystyq is (QK-niń 139-baby boıynsha) qozǵaldy, 31 boryshker ákimshilik jaýapkershilikke tartyldy. Sot sheshimimen 10 júrgizýshiniń kýáligi ýaqytsha toqtatylyp, 12 avtokólik aıyp turaǵyna qoıyldy. 30 boryshkerge izdeý jarııalanyp, 22-si turaqty jumysqa ornalastyryldy.
Otyrys qorytyndysynda ýákiletti organdarǵa salyqtardyń bıýdjetke ýaqytyly ári tolyq túsýin qamtamasyz etý, memleket paıdasyna jáne alıment bereshegin óndirý, kásipkerlerdiń quqyqtaryn qorǵaý jáne kóleńkeli ekonomıkaǵa qarsy is-qımyl boıynsha naqty tapsyrmalar júkteldi.
Aıta ketelik bıyl Ulytaý oblysy 158 mlrd teńge ınvestıtsııa tartty.
