Ulytaý oblysynyń mektepterinde 400-ge jýyq ekoboks ornatyldy
ASTANA. KAZINFORM — «Taza Qazaqstan» tujyrymdamasy aıasynda Ulytaý oblysynyń bilim berý uıymdarynda qaldyqtardy suryptap jınaýǵa arnalǵan 400-ge jýyq ekoboks qoıyldy, dep habarlaıdy Oqý-aǵartý mınıstrliginiń baspasóz qyzmeti.
Búginde Jezqazǵan qalasyndaǵy 22 mektepte arnaıy jáshikter ornatylyp, oqýshylar qaǵaz, plastık jáne basqa da qaldyqtardy bólek jınaý mádenıetin kúndelikti tájirıbege engize bastady.
— Joba oqýshylardyń ekologııalyq saýattylyǵyn arttyrýǵa jáne qorshaǵan ortaǵa jaýapkershilikpen qaraý daǵdysyn qalyptastyrýǵa baǵyttalǵan. Sonymen qatar, suryptalǵan qaldyqtardy tapsyrý úshin EcoQolday mobıldi qosymshasy arqyly ótinim berý múmkindigi qarastyrylǵan, — delingen vedomstvo taratqan aqparatta.
Aıta keteıik, Astana qalasynan keıin mektepterde ekobokstardy jappaı ornatý tájirıbesin engizgen alǵashqy óńirlerdiń biri — Jezqazǵan qalasy. Mundaı bastamalar jas urpaqtyń mektep qabyrǵasynda ekologııalyq mádenıetin qalyptastyrýda mańyzdy ról atqarady.
Osyǵan deıin Astana men Jezqazǵan mektepterine 1000-nan asa ekoboks ornatylatyny habarlanǵan edi.
