Ulytaý oblysynyń Qarajal qalasynda № 5 mekteptiń jańa ǵımaraty ashyldy
QARAJAL. KAZINFORM — Respýblıka kúni qarsańynda Qarajalda № 5 mektepti jańa ǵımaraty paıdalanýǵa berildi, dep habarlaıdy qala ákimdiginiń baspasóz qyzmeti.
Jańa mektep — zamanaýı bilim berý talaptaryna saı jabdyqtalǵan, oqýshynyń sapaly bilim alyp, jan-jaqty damýyna baǵyttalǵan jańa keńistik.
Munda zamanaýı bastaýysh synyp kabınetteri, kitaphana, robototehnıka kabınetteri, ashana jáne oqýshylardyń bilim alýyna qajetti qolaıly orta qarastyrylǵan.
Jańa mektepte bilim men tárbıe bir keńistikte toǵysady. Ǵımarattyń ishki bezendirilýinde «Adal azamat» birtutas tárbıe baǵdarlamasynyń biryńǵaı brendbýgy qoldanylyp, ulttyq qundylyqtar zamanaýı formatta kórinis tapty.
Mektep qabyrǵalaryndaǵy árbir mazmun — jaı ǵana dızaın emes. Adaldyq, otanshyldyq, eńbekqorlyq, jaýapkershilik, zań men tártip sekildi qundylyqtar oqýshyny kúndelikti qorshaǵan ortanyń bir bóligine aınalǵan.
— Bul — jańa ǵımarat qana emes. Bul — jańa múmkindik. Jańa orta. Jańa kózqaras. Bilim beretin, tárbıe qalyptastyratyn, balanyń bolashaǵyna baǵyt beretin osyndaı zamanaýı keńistik — sapaly bilim men sanaly urpaqqa salynǵan ınvestıtsııa, — delingen habarlamada.
