Ulytaý oblysynyń aýyl sharýashylyǵy basqarmasyna jańa basshy keldi

ASTANA. KAZINFORM – Ulytaý oblysy Almat Saýhımov Aýyl sharýashylyǵy jáne jer qatynastary basqarmasynyń basshysy bolyp taǵaıyndaldy, dep habarlaıdy oblysy ákimdiginiń baspasóz qyzmeti.

Almat Saýhımov 1985 jyly dúnıege kelgen.

Ortalyq-Azııa ýnıversıtetin «Qarjy», Baıqońyrov atyndaǵy Jezqazǵan ýnıversıtetin «Quqyqtaný» jáne Shymkent ýnıversıtetin «Ekonomıka» mamandyǵy boıynsha bitirgen.

Eńbek jolyn Sátbaev qalasyndaǵy «Sát Sáýlet» JShS-niń abattandyrý sheberi, dırektor orynbasarynyń mindetin atqarýshy bolyp bastaǵan.

2007-2022 jyldar aralyǵynda salyq jáne memlekettik kirister júıesinde jumys atqardy. Onyń ishinde Jezqazǵan qalasy boıynsha salyq basqarmasynyń bas mamany, Qaraǵandy oblysynyń Salyq departamentinde basqarma basshysy, Jezqazǵan qalasy boıynsha Memlekettik kirister departamenti basshysynyń orynbasary bolyp qyzmet etti.

2022-2023 jyldary Jezqazǵan qalasy Keńgir selosynyń ákimi boldy.

2023 jyldan bastap búgingi kúnge deıin Sátbaev qalasy ákiminiń orynbasary bolyp jumys istep keldi.

Osyǵan deıin Ulytaý oblysynda taǵy eki vedomstvo basshysy taǵaıyndalǵany týraly jazdyq.